أميرة الإحساس
:: a̷m̷i̷r̷a̷ a̷l̷ a̷h̷s̷a̷s̷ ::
المدينة - City : رام الله
ألمساهمآت : 252
النقاط : 763
السٌّمعَة : 0
آلأنتسـآب : 23/01/2020
العمر : 25
 |  موضوع: روتين الحياة  الخميس مارس 04, 2021 6:23 pm | |
| بيمر اليوم واحنا بندور فيه على شوية لحظات سعادة ، شوية وقت ننسى فيه مرارة الأيام ، لحظات ننسى مشاكلنا ونريح دماغنا شوية من التفكير .ندور على قعدة صحاب ، لقاء حبايب ، كلام مع ناس نعرف ننسى معاهم قلقنا ، ونبقى بنتمنى من جوانا في نهاية اللقاء نقولهم خليكم معانا شوية كمان ، بلاش تسيبونا دلوقتي .. !! وفجأة يهجم علينا القلق ونحس من تاني بقلوبنا مقبوضة ، خوف من مجهول ، حسابات ملهاش نهاية ولا بداية ، نستغفر وندعي ، نحاول ندور عالتفاؤل وكإنه ابرة في كوم قش ، بنحاول ندور جوانا على أي مسكن ، وتعدي ساعات لحد مانهرب لوحدتنا بين أربع حيطان .. وتفرد جسمك على سريرك ..ماسك تليفونك مابين رسالة وبرنامج وشوية صور ..تفكير كتير ... ذكريات ...تندم على سكوتك وتنازلاتك و توعد نفسك ان بكرا هيكون غير ... !! وتنهيدة ورا تنهيدة ...و عقارب الساعة بتعد الوقت بصمت رهيب ..وتتقل جفونك..وتغمض ساعات ...بيقولوا انه نوم -لكنك - فاقد شعور الراحة والهدوء ..!! وتعيد السيناريو ...والله يعين .. ! ..النهاية.. | |
|
