لحظات تفرح ال❤️

لحظات تفرح القلب

_لما تبقى فى علاقه حره مفيهاش اى قيود والطرف اللى معاك بيفهمك صح مش غلط .

_ لما يكون ليك سند وتسند عليه وماتوقعش. 

_ تقابل حد بتحبه صدفة .

_ دموع أهلك لما بتحقق نجاح .

_ ناس عرفتها ولسه ماتغيروش لحد النهارده .

_ صاحب جدع بيعرف يسمعك من غير ميقاطعك و لا يتكلم عن نفسه .

_ النوم تحت البطانية مدفي في الشتا أدام التلفزيون و في ايدك حاجة سخنة . 

_ أنك تبص على حد كنت فاكر أنه كل حاجة بالنسبالك و متحسش نحيته بأي حاجة ..لا كره .. و لا حب .. و لا أي حاجة ... و تبقى حر

_ لحظة سكون عقلك يقف فيها و متفكرش في أي حاجة .. كأنك بتلمس روحك بايدك .

_ أول مرتب ليك .. من تعبك 

_ لما تلف فجأة و تلاقي حد عجبك بيبصلك .

_ لما يوصلك خبر مش تمام على اللي أذاك و ظلمك ( أه .. أنت مش ملاك ) 

_ لما تحط ايدك في جيبك و تلاقي فلوس كنت ناسيها .

_ لما تعدي بالصدفة و تسمع حد بيشكر فيك . 

_ طريق السفر بالليل و هوة فاضي . 

_ حد بتعرف تعد معاه ساعات طويلة من غير متتكلم و لا تفتعل حديث و محدش فيكوا زهقان .

_ أول لبسة لبنطلون جينز شكله حلو عليك .

_ لما تعيط طول الليل و تصحى تلاقي نفسك رايق و مرتاح البال ... (العياط بيطهر الروح ) 

_ لما تقول لحد سبني لوحدي .. و تلاقيه متبت فيك و رافض يسيبك ... 

_ لما تلاقي حد هايموت من الضحك على روحه بسببك .. لما حد يقلك دمك خفيف .

_ لما تتأكد أن وجودك فارق .. و أنك شخص مميز مش كمالة عددا